query_builder Sat 26 Mar 2022 1:35 pm
visibility 502
പെരുമ്പിലാവ്: കുന്നംകുളം മണ്ഡലം യുവകലാസാഹിതി പെരുമ്പിലാവ് ആൽത്തറ എൽ എം യു പി സ്കൂളിന് ഒരു ലക്ഷം രൂപയുടെ പുസ്തകം സമർപ്പിക്കുന്നു. പ്രഭാത് ബുക്ക് ഹൗസിന്റെ എഴുപതാം വാർഷികത്തോടനുബന്ധിച്ച് നടപ്പാക്കുന്ന എൻഡോവ്മെന്റ് ഉൾപ്പെടുത്തിയാണ് കുന്നംകുളം യുവകലാസാഹിതി ആൽത്തറ എൽ എം യുപി സ്കൂൾ ലൈബ്രറിയ്ക്ക് ഒരു ലക്ഷം രൂപയുടെ പുസ്തകങ്ങൾ നൽകുന്നത്.അതുമായി ബന്ധപ്പെട്ട സ്പോൺസർ വിഹിതം സ്കൂൾ മാനേജർ കൂടിയായ നിധി മാസ്റ്ററിൽ നിന്ന് സിപിഐ ദേശീയ കൺട്രോൾ കമ്മീഷൻ ചെയർമാൻ പന്ന്യൻ രവീന്ദ്രനു കൈമാറി. പി എൻ പണിക്കർ വായനയെ പരിപോഷിപ്പിക്കാൻ സമഗ്ര ഗ്രാമഗ്രാമാന്തരങ്ങളിൽ വായനശാലകൾ എന്ന ആശയം പ്രചരിപ്പിക്കുകയും നടപ്പാക്കുകയും ചെയ്തു. എന്നാൽ ആധുനിക കാലഘട്ടത്തിൽ പുസ്തക വായന യുവാക്കളിൽ പ്രത്യേകിച്ച് കുട്ടികളിൽ കുറഞ്ഞുപോയെന്നും പന്ന്യൻ രവീന്ദ്രൻ സൂചിപ്പിച്ചു. സോഷ്യൽ മീഡിയയിൽ ലഭിക്കുന്നത് അറിയിപ്പ് മാത്രമാണ്.
എന്നാൽ പുസ്തകവായനയിലൂടെ മാത്രമാണ് കുട്ടികളേയും, ജനങ്ങളേയും വിജ്ഞാന സമ്പത്ത് നേടി സംസ്ക്കാ ര സമ്പന്നരാക്കി മാറ്റാൻ കഴിയൂ എന്നതാണ് പുസ്തകവായനയുടെ പരമ ലക്ഷ്യം. പുസ്തകവായന എന്ന ദൗത്യത്തിന് പരിപോഷിപ്പിക്കാൻ ആൽത്തറയിൽ സ്കൂളിന് നിധി മാസ്റ്റർ നൽകുന്ന ഈ വിലമതിക്കാനാവാത്ത പുസ്തക സംഭാവന ഒരു നാടിന്റെയും ,സംസ്ക്കാരത്തിന്റെ വളർച്ചയ്ക്ക് നിധി മാസ്റ്ററിലൂടെ പരിപൂർണ ലക്ഷ്യപ്രാപ്തി നേടട്ടെയെന്നും സഖാവ് പന്ന്യൻ രവീന്ദ്രൻ ചടങ്ങ് ഉദ്ഘാടനം ചെയ്തു കൊണ്ട് സൂചിപ്പിച്ചു. സി പി ഐ ജില്ല എക്സി അംഗം സി എൽ സൈമൺ മാസ്റ്റർ അധ്യക്ഷനായ ചടങ്ങിൽ ജില്ല സെക്രട്ടറി കെ കെ വത്സരാജ്, മണ്ഡലം സെക്രട്ടറി കെടി ഷാജൻ, സ്കൂൾ പി ടി എ പ്രസിഡന്റ് നൗഷാദ് പി കെ , എം ആർ സതീശൻ , കെ എം മണികണ്ഠൻ, കെ എ വാസു മാസ്റ്റർ, തുടങ്ങിയവർ അഭിവാദ്യം ചെയ്തു സംസാരിച്ചു. യുവകലാസാഹിതി മണ്ഡലം സെക്രട്ടറി പ്രേംരാജ് ചൂണ്ടയാത്ത് സ്വാഗതവും, യുവകലാസാഹിതി മണ്ഡലം വൈസ് പ്രസിഡന്റ് അബൂബക്കർ കല്ലുംപുറം നന്ദിയും പറഞ്ഞു.